Policia dyshon se zjarri që shpërtheu në një hotel ku strehoheshin refugjatë ukrainas në Gjermaninë verilindore, është një rast i zjarrvënieve të motivuara politikisht.

14 njerëz, shumica prej tyre ukrainas dhe tre të personelit ishin në hotelin Schaefereck me çati gjysmë druri kur filloi zjarri të mërkurën në mbrëmje, tha policia në Rostock të enjten, duke shtuar se asnjëri prej tyre nuk u lëndua, shkruan Reuters.

“Siç qëndrojnë gjërat, dyshohet për zjarrvënie dhe për motivim politik”, thuhet në njoftimin e policisë.

Zjarri shpërtheu rreth orës 21:00 në hotelin pranë bregut të detit Baltik në fshatin Gross Stroemkendorf, i cili që nga prilli shërbeu si strehim për ukrainasit që kanë ikur nga pushtimi rus.

“Nëse konfirmohet zjarrvënia, atëherë ky është një krim urrejtjeje që do të ndiqet penalisht me gjithë vrull”.

Prokurorët kanë urdhëruar hetuesin e specializuar të zjarrfikësve për të hetuar shkakun e zjarrit, tha policia, duke shtuar se tani po vlerësojnë dëmet në ndërtesë.

“Isha thellësisht i tronditur nga ajo që ndodhi këtu”, tha inspektori kryesor i policisë Michael Peters. “Çdo sulm ndaj refugjatëve apo strehimit të tyre është një sulm ndaj vlerave tona. Një sulm i tillë është tronditës dhe i papranueshëm”.

Zjarri në shtetin lindor të varfër të Mecklenburg-Vorpommern, ndodhi pranë vendit ku, në gusht të vitit 1992, qindra radikalë të ekstremit të djathtë u rebeluan kundër azilkërkuesve për dy ditë, duke hedhur bomba me benzinë ​​në kampet e tyre, në periudhën e pasluftës. Sulmet më të këqija të turmës kundër emigrantëve në Gjermani. /arbresh.info/